JI EURO-2024 pen Amerıka kýbogyndaǵy quramalardyń jeńiske jetý múmkindigin baǵalady

ASTANA. KAZINFORM – Germanııa men AQSh-ta qurlyqtyq dop dodalary jalǵasyp jatyr. EURO-2024 jáne Amerıka kýbogynyń jartylaı fınaldyq kezdesýleri 9-10 shildede ótedi. Jasandy ıntellekt qos týrnırdegi jeńiske jetý yqtımaldyǵy joǵary quramalardy atady. 

Eýropa chempıonatynda Ispanııa men Frantsııa quramalary birinshi jartylaı fınalda kezdesse, bir kúnnen keıin Nıderlandpen Anglııa ekinshi fınalısti anyqtaıdy. 

Opta-nyń esepteýinshe, «qyzǵaldaq eli» quramasynyń jeńiske jetý yqtımaldyǵy 16,23% dep eseptep otyr. Bul – eń tómen kórsetkish. Anglııanyń jeńiske jetý múmkindigin 22,98% dep baǵalady. Favorıtter – Ispanııa (30,3%) men Frantsııa (30,49%). 

Amerıka kýbogyna keletin bolsaq, onda fýtbol jankúıerlerin Argentına – Kanada jáne Ýrýgvaı – Kolýmbııa arasyndaǵy jartylaı fınaldyq kezdesýler kútip tur.

Kanada Soltústik Amerıkanyń jalǵyz ókili jáne onyń jeńiske jetý múmkindigi 3,86% ǵana dep baǵalandy. Kolýmbııa (16,73%) men Ýrýgvaıda (27,6%) týrnırdi jeńip alý múmkindigi «úıeńki japyraq eliniń» quramasyna qaraǵanda áldeqaıda kóp.

Qazirgi álem chempıony Argentına Amerıka kýbogy bastalmaı turyp-aq atalǵan týrnırdiń basty favorıti sanalǵan. Lıonel Messı bastaǵan quramanyń jeńiske jetý múmkindigi – 51,81%. 

Eske sala keteıik, Kolýmbııa men Argentına quramalarynyń Amerıka kýbogynyń shırek fınalyna shyqqanyn jazǵan edik.