JI, energetıka, saýda: Qazaqstan men Tájikstan úkimetteri 14 qujatqa qol qoıdy

Eń aldymen kelissóz qorytyndysy boıynsha Prezıdent Qasym-Jomart Toqaev pen Prezıdent Emomalı Rahmon Qazaqstan Respýblıkasy men Tájikstan Respýblıkasy arasyndaǵy yntymaqtastyqty odan ári damytýdyń basym baǵyttaryn aıqyndaıtyn Birlesken málimdeme qabyldady.

Sondaı-aq Memleketter basshylarynyń qatysýymen eki eldiń resmı delegatsııa músheleri úkimetaralyq jáne vedomstvoaralyq qujattar almasty:

1. Qazaqstan Respýblıkasy Úkimeti men Tájikstan Respýblıkasy Úkimeti arasyndaǵy Tájikstan Respýblıkasy Ulttyq qaýipsizdik memlekettik komıtetiniń Shekara áskerleri úshin kadr daıarlaý salasyndaǵy kelisim;

2. Qazaqstan Respýblıkasy Úkimeti men Tájikstan Respýblıkasy Úkimeti arasyndaǵy elektr energetıkasy salasyndaǵy yntymaqtastyq týraly kelisim;

3. Qazaqstan Respýblıkasy Úkimeti men Tájikstan Respýblıkasy Úkimeti arasyndaǵy taý-ken óndirý jáne taý-ken metallýrgııasy salalaryndaǵy jobalardy damytý maqsatynda uzaqmerzimdi yntymaqtastyqty odan ári damytý jáne tereńdetý týraly kelisim;

4. Qazaqstan Respýblıkasy men Tájikstan Respýblıkasy arasyndaǵy taýar aınalymyn 2030 jylǵa deıin ulǵaıtý jónindegi jol kartasy;

5. Qazaqstan Respýblıkasy Bas prokýratýrasy men Tájikstan Respýblıkasy Bas prokýratýrasy arasyndaǵy seriktestik jáne yntymaqtastyq týraly memorandým;

6. Qazaqstan Respýblıkasy Eńbek jáne halyqty áleýmettik qorǵaý mınıstrligi men Tájikstan Respýblıkasy Úkimeti janyndaǵy Áleýmettik saqtandyrý jáne zeınetaqy agenttigi arasyndaǵy zeınetaqymen qamsyzdandyrý salasyndaǵy aqparattyq yntymaqtastyq týraly kelisim;

7. Qazaqstan Respýblıkasy Densaýlyq saqtaý mınıstrligi men Tájikstan Respýblıkasy Densaýlyq saqtaý jáne áleýmettik qorǵaý mınıstrligi arasyndaǵy densaýlyq saqtaý salasyndaǵy yntymaqtastyq týraly kelisim;

8. Qazaqstan Respýblıkasy Energetıka mınıstrligi men Tájikstan Respýblıkasy Energetıka jáne sý resýrstary mınıstrligi arasyndaǵy munaı ónimderin jetkizý salasyndaǵy yntymaqtastyq týraly negizdemelik kelisim;

9. Qazaqstan Respýblıkasy Aýyl sharýashylyǵy mınıstrligi men Tájikstan Respýblıkasy Aýyl sharýashylyǵy mınıstrligi arasyndaǵy aýyl sharýashylyǵy salasyndaǵy yntymaqtastyqty jandandyrý jónindegi 2027-2028 jyldarǵa arnalǵan jol kartasy;

10. Qazaqstan Respýblıkasy Ónerkásip jáne qurylys mınıstrligi men Tájikstan Respýblıkasy Ónerkásip jáne jańa tehnologııalar mınıstrligi arasyndaǵy ónerkásip salasy boıynsha yntymaqtastyq týraly memorandýmdy iske asyrý jónindegi 2027 jylǵa arnalǵan ózara is-qımyl jospary;

11. Qazaqstan Respýblıkasy Memlekettik qyzmet isteri agenttigi men Tájikstan Respýblıkasy Memlekettik qarjylyq baqylaý jáne sybaılas jemqorlyqpen kúres agenttigi arasyndaǵy ózara túsinistik týraly memorandým;

12. Qazaqstan Respýblıkasy Jasandy ıntellekt jáne tsıfrlyq damý mınıstrligi men Tájikstan Respýblıkasy Prezıdenti janyndaǵy Innovatsııalar jáne tsıfrlyq tehnologııalar agenttigi arasyndaǵy jasandy ıntellekt salasyndaǵy yntymaqtastyq pen ózara túsinistik týraly memorandým;

13. Qazaqstan Respýblıkasy Saýda jáne ıntegratsııa mınıstrligi men Tájikstan Respýblıkasy Prezıdenti janyndaǵy Innovatsııalar jáne tsıfrlyq tehnologııalar agenttigi arasynda elektrondyq kommertsııa júıesin damytý salasy boıynsha ózara túsinistik týraly memorandým;

14. Qazaqstan Respýblıkasy Prezıdenti Іs basqarmasynyń «Qazaqstan Respýblıkasy Prezıdentiniń Teleradıokesheni» sharýashylyq júrgizý quqyǵyndaǵy respýblıkalyq memlekettik kásiporny men Tájikstan Respýblıkasy Úkimeti janyndaǵy Televızııa jáne radıo komıteti arasynda ózara túsinistik pen yntymaqtastyq týraly memorandým.

Aıta keteıik, 5-7 qarasha kúnderi Memleket basshysynyń shaqyrýymen elimizge Tájikstan Prezıdenti Emomalı Rahmonnyń resmı sapary ótip jatyr.

Buǵan deıin Qasym-Jomart Toqaev Qazaqstan Tájikstannyń eń iri saýda seriktesteriniń úshtigine engenin málim etti.

Sondaı-aq Qasym-Jomart Toqaev Tájikstan Prezıdentin Qoja Ahmet Yasaui ordenimen marapattady.