JI-diń arqasynda 22 jastaǵy úsh kásipker mıllıarder atandy

ASTANA. KAZINFORM — Amerıkalyq Forbes jýrnalynyń 40 jasqa deıingi, óz eńbegimen baılyqqa qol jetkizgen álemdegi eń baı adamdar tizimine jasy nebári 22-de úsh kásipker endi. Bul týraly Belta agenttigi jazdy.  

Atalǵan kásipkerler tarıhtaǵy eń jas self-made (óz kúshimen baıyǵan) mıllıarderler retinde tanyldy.

Reıtıngke engen jas kásipkerler — Adarsh Hıremat, Brendan Fýdı jáne Sýrıa Mıdha. Olar jasandy ıntellektti paıdalana otyryp kadr irikteýmen aınalysatyn Mercor startapynyń negizin qalaǵan. Forbes jýrnalynyń málimetinshe, 2025 jyldyń qazan aıynda kompanııany jeke ınvestorlar baǵalaǵannan keıin, olar «óz kúshimen tabysqa jetken álemdegi eń jas mıllıarderler» atanǵan.

Úsh kásipkerdiń jalpy baılyǵy 2,2 mıllıard AQSh dollaryna baǵalanyp otyr.

Aıta keteıik, 2008 jyly Forbes nusqasy boıynsha eń jas mıllıarder atanǵan adam — sol kezdegi jasy 23-te bolǵan Mark Tsýkerberg edi.

Búgin sondaı-aq Beıonse resmı túrde mıllıarder atandy.