JI azamattarǵa arnalǵan biryńǵaı profıl qalyptastyrýǵa kómektesedi
ASTANA. KAZINFORM – Qazaqstanda jasandy ıntellekt azamattarǵa memlekettik qyzmetterdi «ómirlik jaǵdaılar» qaǵıdaty boıynsha usynatyn biryńǵaı júıege engiziledi. Bul týraly Jasandy ıntellekt jáne tsıfrlyq damý vıtse-mınıstri Bahtııar Muhametqalıev málimdedi.
Onyń aıtýynsha, osy baǵyt strategııalyq qujattaǵy negizgi úsh bloktyń biri sanalady. Birinshi kezeńde jasandy ıntellekt azamattarǵa arnalǵan qyzmetterge engiziledi.
– Prezıdenttiń strategııalyq qujaty bekitildi. Osy strategııalyq qujattyń ishinde úsh blok bar. Birinshisi – azamattarǵa arnalǵan. Bıyl biz osy jumysty bastaımyz, jasandy ıntellektti osy baǵytta engizemiz. Eń birinshi azamattarǵa arnalǵan jumysty isteımiz, – dedi Bahtııar Muhametqalıev.
Onyń aıtýynsha, memlekettik aqparattyq júıelerdi bir-birimen yqpaldastyrý arqyly azamattarǵa arnalǵan biryńǵaı profıl qalyptastyrý kózdelip otyr. Mysaly, densaýlyq saqtaý jáne basqa da salalardaǵy aqparattyq júıeler bir platformada jumys isteıtin bolady.
– Buryn ár baǵytta aqparattyq tehnologııalar bólek engizilip, ár júıe jeke jumys istedi. Qazir barlyq aqparattyq júıeni bir-birine qosamyz. Bir profıl, bir platforma negizinde jumys isteımiz. Sondyqtan biz «ómirlik jaǵdaılar» dep aıtyp otyrmyz. Mysaly, mektepke nemese ýnıversıtetke túsý sııaqty jaǵdaılarda jasandy ıntellekt qosylyp, júıeler ózara yqpaldasady. Sonyń negizinde azamattarǵa ne isteý kerek, qaıda barý kerek jáne qandaı qyzmetterdi paıdalaný qajet ekeni týraly usynystar beriledi, – dedi spıker.
Bahtııar Muhametqalıev aıtýynsha, kelesi kezeńde jasandy ıntellekt ekonomıkanyń naqty sektorlaryna engiziledi.
– Ekinshi qadam ekonomıkanyń túrli baǵyttaryna, sonyń ishinde ónerkásipke jasandy ıntellekt engizý. Bul, árıne, ekonomıkaǵa yqpal etip, tabys ákelýi tıis, – dedi ol.
Spıker memlekettik organdarda qazirdiń ózinde kóptegen aqparattyq júıe bar ekenin atap ótti. Alaıda negizgi mindet olardy ortaq platformaǵa biriktirý.
– Bizde qazir memlekette birneshe aqparattyq júıe bar. Olar ártúrli. Biraq biz úshin eń mańyzdysy osy tehnologııalardyń barlyǵyn bir platformaǵa qosý, – dedi Bahtııar Muhametqalıev.
Aıta keteıik, endi eGov GPT arqyly memlekettik qyzmet alýǵa bolady.
