JI arqyly shyǵarylǵan án Billboard chartynda alǵash ret kósh bastady
ASTANA.KAZINFORM - Billboard Country Digital Song Sales reıtıngisine sáıkes, AQSh-taǵy №1 án - jasandy ıntellekt arqyly shyǵarylǵan Breaking Rust-tyń oryndaýyndaǵy «Walk My Walk» áni boldy, dep habarlaıdy Kazinform.
Bul týraly Newsweek basylymy habarlady.
Breaking Rust-tyń Instagram paraqshasynda 35 myńnan astam oqyrmany bar. Spotify-da Breaking Rust-ty aı saıyn 2 mıllıonnan astam adam tyńdaıdy.
-«Stomp, clap, hey» yrǵaǵy men akýstıkalyq dybysyna qaramastan, án shyn máninde joǵary tehnologııalyq prodıýserlik tehnıkaǵa toly, - dedi Indıana ýnıversıtetiniń mýzyka tehnologııasy boıynsha dotsenti Djeıson Palamara Newsweek-ke bergen suhbatynda.
Alaıda, sarapshy án mátinin anyq emes jáne maǵynasyz dep atady.
Onyń aıtýynsha, «Walk My Walk» ánin bir ret tyńdaǵannan keıin onyń jasandy ıntellektimen jasalǵany aıqyn baıqalady.
Shyǵarmashylyq salalarda generatıvti jasandy ıntellektini paıdalaný týraly alańdaýshylyq kópten beri aıtylyp keledi. Bul taqyryp boıynsha talqylaýlar birneshe jyl buryn Gollıvýdtaǵy Screen Actors Guild narazylyqtarynan keıin kúsheıe tústi, bul ChatGPT-diń kópshilikke tanystyrylýynan keıin kóp uzamaı bastaldy. Sol kezde kópshilik jańa tehnologııalardyń áseri men olardyń saldaryna alańdaýshylyq bildirdi.
«Jasandy ıntellekt aktrısasy» dep atalatyn Tıllı Norvýdtyń debıýti bolsyn, Coca-Cola kompanııasynyń rojdestvolyq jarnamasynda JI qoldanylýyna baılanysty onlaın rejımindegi narazylyq bolsyn, jasandy ıntellektige qatysty kez kelgen shyǵarmashylyq joba qatań tekserýden ótedi.
Ser Elton Djon men Dýa Lıpa sııaqty tanymal mýzykanttar JI jobalaryn retteýdi jaqtady: ártúrli elderde belgili bir shyǵarmashylyq salalarda jasandy ıntellektini paıdalanýǵa shekteý qoıýǵa shaqyratyn petıtsııalar paıda boldy.
Biz buǵae deıin BekAir apatynyń sebebi jasandy ıntellekt arqyly anyqtalýy múmkin ekenin habarlaǵan bolatynbyz.