JI – AQSh pen Qytaı arasyndaǵy qyrǵı-qabaq soǵystyń sebebi
Qujatta Qytaı Kommýnıstik partııasynyń (QKP) jasandy ıntellekt (JI) salasyndaǵy álemdik kóshbasshyǵa aınalý «tabaldyryǵynda» ekeni eskertiledi. Eger QKP ózi josparlaǵandaı 2030 jylǵa qaraı JI-de ústemdikke qol jetkizse, AQSh «ekinshi dárejeli nemese odan da nashar derjavaǵa» aınalady.
Sondaı-aq eger Qytaı JI salasynda álemdik kóshbasshyǵa aınalsa, QKP «búkil álemde tehnologııalyq standarttardy belgileı alatyn jaǵdaıda bolýy múmkin, al amerıkalyq jáne basqa da batys kompanııalary óz tehnologııalaryn QKP qamqorlyǵymen jasalǵan tehnologııalarǵa beıimdeýge májbúr bolatyny» eskertiledi.
Baıandamada eger QKP arzan jáne joǵary sapaly jasandy ıntellektpen «álemdik naryqty toltyra» alsa, Qytaı amerıkalyq kompanııalardy yǵystyra alatyny aıtylǵan.
QKP-nyń jasandy ıntellekt salasyndaǵy jetistikteri AQSh-qa barlyq salalarda, sonyń ishinde avtonomdy qarý-jaraq shyǵarýda da qıyndyq týdyrady. QKP nysanalardy baqylaý jáne joıý úshin ushqyshsyz ushý apparattaryn, robottandyrylǵan quraldar jáne ıtterdi top-tobymen ornalastyrý tehnologııasyn ıgerdi, bul nysanalardy adamnyń mınımaldy aralasýymen baqylaý jáne joıýǵa múmkindik berip otyr. QKP «sýper sarbazdar» dep ataıtyn gýmanoıdty jaýyngerlik robottar ázirleýdiń alǵashqy satysynda, biraq qazirdiń ózinde top-top bolyp jumys isteı alady.
Qaýipsizdik saıasaty ortalyǵynyń aǵa sarapshysy jáne eseptiń avtory Maıkl Ýoller Amerıka Qytaıdyń jasandy ıntellekt salasynda ony basyp ozýyna jol berse, «bárin» joǵaltý qaýpi bar ekenin málimdedi.
- Eger Qytaıdyń jasandy ıntellekt salasyndaǵy kóshbasshy bolýyna jol bersek, biz bárin joǵaltamyz. Olar JI jumysyna qýat beretin apparattyq qamtamasyz etýdi jasaý úshin qajetti komponentterdi basqaryp otyr. Eger olar álemdik naryqta ústemdik etip, jahandyq standarttardy ornata alsa, biz Qytaı Kommýnıstik partııasyna jumys isteıtin bolamyz, - dedi Maıkl Ýoller.
Buǵan deıin Qytaı densaýlyq saqtaý salasynda JI qoldanýdy keńeıtip jatqanyn jazǵan bolatynbyz.
Sondaı-aq Qytaı ómirdi 120 jylǵa deıin uzartatyn dári jasap jatqanyn jazdyq.