JHL: «Saryarqa» Tver qalasynyń quramasyn jeńdi
ASTANA. 28 qazan. QazAqparat - Ótken demalys kúnderi Joǵary hokkeı lıgasynyń kezekti oıyndary aıasynda Qaraǵandy qalasynyń «Saryarqa» hokkeı klýby syrt alańda «THK» (Reseı, Tver) komandasyn jeńdi.
Oıynnyń birinshi kezeńinde esep ashylǵan joq. Ekinshi kezeńde «Saryarqanyń» hokkeıshileri qarsylastar qaqpasyna eki birdeı shaıbany soǵyp, alǵa shyqty. Al úshinshi kezeńniń basynda esep aıyrmasy 3:0-ge deıin jetti. Osydan keıin Qaraǵandy qalasynyń hokkeı klýby qorǵanysqa kóshti. Degenmen, «THK»-nyń shabýyldaryna tótep bere almady. Oıynnyń aıaqtalýyna tórt mınýttaı qalǵanda tarazy basy teńesti. Úsh mınýttyń ishinde «Saryarqa» taǵy da alǵa shyqty. Biraq sońǵy sekýndtarda qarsylastar bir shaıbany soǵyp úlgerdi. Esep - 4:4. Overtaımda «Saryarqanyń» hokkeıshileri tabandylyq tanyta bildi. Dmıtrıı Gromov óz komandasyn jeńiske jeteledi. Qorytyndy esep - 5:4. Qaraǵandy qalasynyń hokkeı klýby taǵy eki upaıǵa ıe bolyp, jalpytýrnırlik kestede 14-shi orynǵa kóterildi. Al Óskemen qalasynda ótken «Qaztsınk-Torpedo» jáne «Molot-Prıkame» arasyndaǵy oıynnyń nátıjesi overtaımnan asyp, býlıtke deıin jetti. Onda Perm hokkeı klýbynyń joly boldy. Qorytyndy esep - 1:2 (B). Soǵan qaramastan, «Qaztsınk-Torpedo» Joǵary hokkeı lıgasynyń jalpytýrnırlik kestesinde ekinshi ornyn saqtap qaldy. Onyń enshisinde 36 upaı bar.
