JHL: «Saryarqa» men «Toros» arasyndaǵy sońǵy oıyn Qaraǵandyda ótedi
ASTANA. 29 sáýir. QazAqparat - Keshe qaraǵandylyq «Saryarqa» hokkeı klýby syrt alańda «Toros» (Neftekamsk) komandasymen altynshy ret kezdesip, «Bratına» kýbogy úshin bolyp jatqan tartysta tarazy basyn teńestire bildi.
Keshegi match «Saryarqa» klýby úshin asa jaýapty bolatyn. Sebebi «Toros» komandasyna bir-aq jeńis qajet edi. Degenmen, «Saryarqa» jalpy esepti teńestire bildi. Neftekamsk qalasynda ótken oıynda qarsylastar birinshi bolyp esep ashsa da, matchtyń on altynshy mınýtynda Alekseı Kosoýrov tarazy basyn teńestire aldy. Araǵa eki mınýt salyp, Aleksandr Vasılev «Saryarqany» alǵa shyǵardy. Esep - 2:1. Oıynnyń ekinshi kezeńinde qarsylastar bir shaıba soǵyp, esepti 2:2-ge jetkizdi. Al úshinshi kezeńde Dmıtrıı Tsybın «Toros» qaqpashysyn qapy qaldyryp, úshinshi shaıbanyń avtory atandy. Osydan keıin «Toros» qansha tyrysqanymen, esepti ózgerte almady. Oıyn 3:2 esebimen «Saryarqanyń» paıdasyna sheshildi. Al alty kezdesýdiń qorytyndy esebi - 3:3. Sońǵy jetinshi oıyn erteń, 30 sáýir kúni «Qaraǵandy-arena» stadıonynda ótedi.
