JHL: «Saryarqa» komandasy «Ladany» utty
ASTANA. 17 qazan. QazAqparat - Búgin Qaraǵandy qalasynyń «Saryarqa» hokkeı klýby óz alańynda «Lada» (Tolıattı) komandasyn qabyldap, overtaımda jeńiske jetti.
Bul oıynda qaraǵandylyq klýb esepti birinshi bolyp ashsa da, ekinshi kezeńde qarsylastar tarazy basyn teńestirip, bir mınýttyń (!) ishinde eki birdeı shaıbamen alǵa shyqty. Esep - 1:3. Alaıda úzilisten keıin «Saryarqa» úshinshi kezeńdi sátti bastap, tarazy basyn teńestire bildi. Osymen kezeń aıaqtalyp, oıyn overtaımǵa (qosymsha ýaqyt) ulasty. Onda «Saryarqanyń» mereıi ústem boldy. Qorytyndy esep - 4:3. Bul matchtan keıin qaraǵandylyq klýb 17 upaımen jalpy týrnırlik kesteniń 18-shi ornyna kóterildi. Joǵary hokkeı lıgasynda óner kórsetip júrgen ekinshi qazaqstandyq komanda - «Qaztsınk-Torpedo» da overtaımǵa jetip, «Spýtnık» (Nıjnıı Tagıl) komandasyna 1:2 esebimen jol berip qoıdy. Soǵan qaramastan, Óskemen qalasynyń hokkeı klýby 33 upaımen jalpy týrnırlik kestede kósh bastap tur.
