JHL: «Saryarqa» hokkeı klýby «Býrandy» oısyrata utty
ASTANA. 17 qarasha. QazAqparat - Qaraǵandy qalasynyń «Saryarqa» hokkeı klýby syrt alańda «Býran» (Reseı, Voronej) komandasyn utty.
Oıynnyń basynda alań ıeleri esepti birinshi bolyp ashsa da, alǵashqy kezeń aıaqtalǵansha, «Saryarqa» qarsylastyń qaqpasyna 4 (!) birdeı shaıba soǵyp, esepti 4:1-ge deıin jetkizdi. Ekinshi kezeńde «Býran» esep aıyrmasyn bir shaıbaǵa qysqartty. Alaıda Qaraǵandy qalasynyń hokkeı klýby taǵy bir shaıba soǵyp, tarazy basyn 5:2-ge apardy. Úshinshi kezeńde qarsylastar úshinshi shaıbasyn soǵyp, sońǵy mınýttarda qaqpashysyz tarazy basyn teńestirýge de tyrysty. Biraq «Saryarqa» bos turǵan qaqpaǵa altynshy shaıbany soǵyp, jeńimpaz atandy. Qorytyndy esep - 6:3.
Aıta keteıik, osy oıynnan keıin «Saryarqa» taǵy úsh upaıǵa qol jetkizip, Joǵary hokkeı lıgasynyń jalpytýrnırlik kestesinde 7-shi orynǵa kóterildi, Onyń enshisinde barlyǵy 37 upaı bar.
