JHL: «Saryarqa» búgingi oıyndy Neftekamsk qalasynda ótkizedi
ASTANA. 22 sáýir. QazAqparat - Búgin Joǵary hokkeı lıgasynyń kezekti fınaldyq matchynda qaraǵandylyq «Saryarqa» hokkeı klýby «Toros» (Neftekamsk) komandasymen kezdesedi.
Túzde ótetin oıyn keshki saǵat 19.00-de bastalady
Aıta keteıik, osy ýaqytqa deıin ótken eki kezdesýdiń qorytyndysy boıynsha esep - 1:1. Qaraǵandy qalasynda bolǵan birinshi matchta «Saryarqa» óz qarsylasyn 4:1 esebimen jeńse, kelesi kúni «Toros» esesin qaıtara bildi, esep - 1:7.
Endi, Bashqurtstannyń Neftekamsk qalasynda 22-23 sáýir kúnderi qatarynan eki oıyn ótedi. Onda eki komanda bir-bir upaıdan jınap, jalpy esepti 2:2-ge deıin jetkizýi múmkin, ıa bolmasa, ekeýiniń bireýi jeńiske bir qadam jaqyndaıdy. Óıtkeni Joǵary hokkeı lıgasynyń fınalynda qarsylasty tórt ret jeńip, jalpy esepte tórt upaı jınaý qajet. Jeńimpaz JHL-dyń Bratına kýbogyna ıe bolady.
