JHL: «Qaztsınk-Torpedonyń» hokkeıshileri «Dızeldi» tize búktirdi
ASTANA. 16 qarasha. QazAqparat - Óskemen qalasynyń «Qaztsınk-Torpedo» hokkeı klýby óz alańynda «Dızel» (Reseı, Penza) komandasyn jeńdi.
Bul matchta qarsylastar esepti birinshi bolyp ashty. Al ekinshi kezeńde ony eseleı tústi. Degenmen, úshinshi kezeńde «Qaztsınk-Torpedonyń» hokkeıshileri tarazy basyn teńestirip qana qoımaı, bir shaıbamen alǵa shyqty. Bul jerde Evgenıı Rymarevti erekshe atap ótken jón. Ol qarsylastyń qaqpasyna eki birdeı shaıba soǵyp, dýbldyń avtory atandy. Budan bólek, taǵy bir shaıba Kırıll Savıtskııdiń enshisine jazyldy. Qorytyndy esep - 3:2.
Aıta keteıik, «Qaztsınk-Torpedo» bıylǵy chempıonatty sátti bastasa da, sońǵy bes oıynda qatarynan utylǵan bolatyn. Bul - onyń sol sátsiz kezeńinen keıingi alǵashqy jeńisi. Komanda taǵy úsh upaıǵa ıe bolyp, barlyǵy 40 upaımen Joǵary hokkeı lıgasynyń jalpytýrnırlik kestesinde úshinshi orynǵa kóterildi.
