JHL: «Qaztsınk-Torpedonyń» hokkeıshileri «Dınamony» jeńdi
ASTANA. 4 jeltoqsan. QazAqparat - Óskemen qalasynyń «Qaztsınk-Torpedo» hokkeı klýby óz alańynda «Dınamo» (Reseı, Máskeý oblysy, Balashıha) komandasyn jeńdi.
Bul oıynda «Dınamo» hokkeıshileriniń qarqyny qatty boldy. Matchtyń birinshi kezeńinde olar eki mınýttyń ishinde úsh shaıba soǵyp, «Qaztsınk-Torpedony» aıqyn basymdyqpen jeńe bastady. Esep - 0:3. Ekinshi kezeńde esep aıyrmasy ózgermedi. Alaıda úshinshi kezeńde Óskemen qalasynyń hokkeı klýby tórt mınýttyń ishinde tarazy basyn teńestire bildi. Qosymsha ýaqytta jeńimpaz anyqtalǵan joq. Al býllıt serııasynda Aleksandr Voljankınniń nátıjeli soqqysy «Qaztsınk-Torpedoǵa» jeńis syılady. Qorytyndy esep - 4:3.
Aıta keteıik, osy oıynnan keıin «Qaztsınk-Torpedo» qosymsha eki upaıǵa qol jetkizip, Joǵary hokkeı lıgasynyń jalpytýrnırlik kestesinde 4-shi orynǵa kóterildi.
