JHL: «Qaztsınk-Torpedonyń» búgingi qarsylasy - «Lada»
ASTANA. 13 qyrkúıek. QazAqparat - Búgin Joǵary hokkeı lıgasynyń jańa maýsymy aıasynda Óskemen qalasynyń «Qaztsınk-Torpedosy» kezekti oıynyn ótkizedi.
Óz alańynda ol Tolıattı qalasynyń «Ladasyn» qabyldaıdy.
Aıta ketken jón, «Ladanyń» hokkeıshileri buǵan deıin eki oıyn ótkizip, onyń ekeýinde de utylǵan bolatyn. Olar «Ermakpen» arada bolǵan matchta ǵana overtaımǵa jetip, sonyń arqasynda bir upaıdy oljalap qaıtqan. Qazir komanda jalpy týrnırlik kestede 21-shi orynda tur. Al Óskemenniń «Qaztsınk-Torpedosy» sońǵy eki oıynda da jeńiske jetip, bes upaımen 4-shi orynǵa ornalasty. Soǵan qaraǵanda, búgingi oıyn Óskemen hokkeı klýbynyń paıdasyna sheshiledi. Match Astana ýaqyty boıynsha keshki saǵat 18:30-da bastalady.
