JHL: «Qaztsınk-Torpedonyń» búgingi qarsylasy - «Býran»(Voronej)
ASTANA. 8 qazan. QazAqparat - Óskemen qalasynyń «Qaztsınk-Torpedo» hokkeı klýby óz alańda «Býran» (Voronej) komandasyn qabyldaıdy.
Voronej qalasynyń hokkeı klýby osal komanda emes. Ótken maýsymda ol biraz jetistikterge de jetken bolatyn. Bıylǵy chempıonatta da kórsetkishi birshama táýir. Osy ýaqytqa deıin «Býran» on oıyn ótkizip, sonyń altaýynda jeńiske jetti. Qazir enshisinde 18 upaı bar. Sonyń arqasynda «Býran» jalpy týrnırlik kestede besinshi orynda tur. Al, «Qaztsınk-Torpedo» lıganyń favorıti bolyp sanalady. Búginde óskemendik klýb 27 upaımen birinshi orynda keledi.
