JHL: «Qaztsınk-Torpedo» óz jankúıerlerin qýantty
ASTANA. 18 qarasha. QazAqparat - Óskemen qalasynyń «Qaztsınk-Torpedosy» óz alańynda «Rıazan» (Reseı, Rıazan) komandasyn utty.
Bul match asa tartysty ótti. Eki komanda bir-birine boı bermeı, jeńis úshin baryn saldy. Oıynnyń basynda qarsylastar esepti ashyp, birinshi bolyp alǵa shyqsa da, «Qaztsınk-Torpedonyń» hokkeıshileri tarazy basyn teńestirdi. Al ekinshi kezeńde 3:1 esebimen basym tústi. Degenmen, bul kezeń aıaqtalǵansha, «Rıazan» taǵy eki shaıbany soǵyp ketti. Esep - 3:3. Sońǵy úshinshi kezeńde komandalar óz shabýyldaryn údetti. Qaqpashylary da baryn salyp, shaıbany jiberip qoımaýǵa tyrysty. Alaıda Evgenıı Rymarev qarsylastar qaqpashysyn qapy qaldyryp, óz komandasyn alǵa shyǵardy. Jeti mınýttyń ishinde «Rıazan» esepti teńestirdi. 4:4. Al birneshe sekýndtan soń, «Qaztsınk-Torpedo» qaıtadan alǵa shyǵyp, esep aıyrmasyn oıynnyń sońyna deıin ustaı bildi. Qorytyndy esep - 5:4.
Keshegi oıynnan keıin «Qaztsınk-Torpedonyń» hokkeıshileri taǵy úsh upaıǵa qol jetkizip, 43 upaımen jalpytýrnırlik kestede ekinshi orynǵa kóterildi. Birinshi orynda - «Toros».
