JHL: «Qaztsınk-Torpedo» óz alańynda «Krıstal S» komandasyn qabyldaıdy
ASTANA. 3 qazan. QazAqparat - Erteń Óskemen qalasynyń «Qaztsınk-Torpedo» hokkeı klýby óz alańynda «Krıstal S» (Saratov) komandasyn qabyldaıdy.
Aıta ketken jón, «Krıstal S» hokkeıshileri buǵan deıin segiz oıyn ótkizip, sonyń tórteýinde jeńiske jetken. Jalpy týrnırlik kestede komanda 12-shi orynda tur. Al «Qaztsınk-Torpedo» segiz matchtyń jeteýinde qarsylasynan basym túsken bolatyn. «Sokol» komandasyna qarsy sońǵy oıynda ǵana óskemendik klýb 0:1 esebimen jeńildi. Onyń ózi býllıt serııasynda boldy. Búginde «Qaztsınk-Torpedonyń» enshisinde 21 upaı bar. Joǵary hokkeı lıgasynyń jalpy týrnırlik kestesinde ol kósh bastap keledi.
