JHL: «Qaztsınk-Torpedo» men «Saryarqa» óz qarsylastaryn jeńe almady
ASTANA. 24 qarasha. QazAqparat - Óskemen qalasynyń «Qaztsınk-Torpedo» hokkeı klýby syrt alańda «Kýban» (Reseı, Krasnodar) komandasyna jol berip qoıdy.
Bul oıynda «Qaztsınk-Torpedonyń» hokkeıshileri esepti birinshi bolyp ashyp, alǵashqy kezeńde 2:0 bolyp jeńip jatty. Ekinshi kezeńde úshinshi shaıbany da soqty. Alaıda «Kýban» úshinshi kezeńge deıin tarazy basyn teńestire bildi. Al oıynnyń sońǵy bóliminde «Qaztsınk-Torpedonyń» qaqpasyna taǵy úsh shaıba salyp, 3:6 esebimen jeńiske jetti. Bul matchtan keıin Krasnodar qalasynyń hokkeı klýby JHL-dyń jalpytýrnırlik kestesinde birinshi orynǵa shyqty. «Qaztsınk-Torpedo» bolsa, úshinshi orynǵa syrǵydy.
Qaraǵandy qalasynyń «Saryarqa» hokkeı klýby da óz alańynda qarsylastan utylyp qaldy. Komanda «Spýtnık» quramasynan 2:3 esebimen jeńildi.
