JHL: «Qaztsınk-Torpedo» hokkeı klýby «Sarov» komandasyn qabyldaıdy
ASTANA. 13 qarasha. QazAqparat - Búgin Óskemen qalasynyń «Qaztsınk-Torpedo» hokkeı klýby óz alańynda «Sarov» (Reseı, Sarov qalasy) komandasyn qabyldaıdy.
Aıta keteıik, Óskemen qalasynyń hokkeı klýby sońǵy tórt oıynda qatarynan jeńilgen bolatyn. Eki aptalyq demalysqa shyǵardyń aldynda komanda Qaraǵandy qalasynyń «Saryarqasymen» kezdesip, 0:6 esebimen ońbaı utylyp qaıtqan. Osylaısha, Joǵary hokkeı lıgasynyń kósh basynda turǵan klýb búginde 36 upaımen besinshi orynǵa syrǵyp tústi. Onyń búgingi qarsylasy - «Sarovtyń» da jaǵdaıy máz emes. Bul komandanyń enshisinde 24 upaı bar. Sondyqtan ol kesteniń 22-shi ornynda ornalasty. Jalpy, lıganyń bıylǵy chempıonatynda 26 hokkeı klýby óner kórsetip júr.
