JHL: «Qaztsınk-Torpedo» hokkeı klýby «Dızeldi» qabyldaıdy
ASTANA. 15 qarasha. QazAqparat - Búgin Óskemen qalasynyń «Qaztsınk-Torpedo» hokkeı klýby óz alańynda «Dızel» (Reseı, Penza) komandasyn qabyldaıdy.
Bıylǵy chempıonattyń basynda «Qaztsınk-Torpedonyń» qaýqary qatty bolǵan. Komanda lıganyń jalpytýrnırlik kestesinde birinshi orynǵa shyǵyp, sol jetistigin biraz ýaqyt boıy ustady. Alaıda keıingi kezde bes ret qatarynan utyldy. Sońǵy oıynda Óskemen qalasynyń hokkeı klýby «Sarov» komandasyna býllıtten jol berip qoıdy. Búginde 21 matchtyń qorytyndysy boıynsha «Qaztsınk-Torpedo» 37 upaımen besinshi orynǵa ornalasty. «Dızel» bolsa, bir-aq upaıǵa qalyp keledi. Oǵan qosa, Penza qalasynyń hokkeı klýby eki matchqa kem oınaǵan. Demek, ol áli de biraz upaı jınaı alady. Qazir «Dızeldiń» enshisinde 36 upaı bar. Joǵary hokkeı lıgasynyń jalpytýrnırlik kestesinde bul komanda altynshy orynda tur.
