JHL: «Qaztsınk-Torpedo» hokkeı klýby «Dınamony» tize búktirdi
ASTANA. 22 qarasha. QazAqparat - Óskemen qalasynyń «Qaztsınk-Torpedo» hokkeı klýby syrt alańda «Dınamo» (Reseı, Máskeý oblysy, Balashıha qalasy) komandasynan basym tústi.
Oıynnyń alǵashqy shaıbasy ekinshi mınýtta soǵyldy. «Qaztsınk-Torpedonyń» hokkeıshileri qarsylastar qaqpashysyn qapy qaldyryp, alǵa shyqty. Alaıda ekinshi kezeńde «Dınamo» tarazy basyn teńestirdi. Sosyn baryn salyp, alǵa shyǵýǵa umtyldy. Alaıda «Qaztsınk-Torpedonyń» tasqamal qorǵanysyn buza almady. Úshinshi kezeńde Óskemen qalasynyń hokkeı klýby taǵy bir shaıba soǵyp, 2:1 esebin oıynnyń sońyna deıin ustaı bildi.
Aıta keteıik, osy oıynnan keıin «Qaztsınk-Torpedo» taǵy úsh upaıǵa qol jetkizip, barlyǵy 46 upaımen jalpytýrnırlik kestede 2-shi orynǵa kóterildi.
