JHL: «Qaztsınk-Torpedo» alǵashqy oıyndy úıde ótkizedi
ASTANA. 9 qyrkúıek. QazAqparat - Búgin Joǵary hokkeı lıgasynyń jańa maýsymy aıasynda «Qaztsınk-Torpedo» hokkeı klýbynyń alǵashqy oıyny ótedi. Óskemen qalasynyń komandasy óz jerinde «Arıadany» qabyldaıdy.
Buǵan deıingi chempıonatta «Qaztsınk-Torpedonyń» hokkeıshileri barlyǵy 84 upaı jınap, jalpy kestede 14 orynǵa ıe bolǵan. Sol kezde Óskemen qalasynyń hokkeı klýby pleı-off syndaryna da jete almady. Al «Arıada» (buryńǵy «Arıada-Akpars») pleı-offqa ótken. Alaıda fınalǵa shyǵa almaı, súrinip qaldy. Sondyqtan osy joly da «Qaztsınk-Torpedo» úshin «Arıada» komandasyn jeńý ońaıǵa soqpas. Búgingi oıyn keshki saǵat 18:30-da bastalady. Aıta keteıik, Joǵary hokkeı lıgasynda Qazaqstannyń eki komandasy óner kórsetip júr. Birinshisi - Óskemen qalasynyń «Qaztsınk-Torpedo» hokkeı klýby, ekinshisi - qaraǵandylyq «Saryarqa» komandasy.
