JHL-dyń jańa maýsymy: «Qaztsınk-Torpedo» alǵashqy oıynyn sátti bastady
ASTANA. 10 qyrkúıek. QazAqparat - Joǵary hokkeı lıgasynyń jańa maýsymynda Óskemen qalasynyń «Qaztsınk-Torpedo» hokkeı klýby alǵashqy oıynyn sátti bastady. Keshe ol óz jerinde «Arıada» komandasyn jeńdi.
Negizi, Voljsk qalasynyń «Arıadasy» (burynǵy «Arıada-Akpars») osal komanda emes. Sońǵy chempıonatta ol pleı-offqa deıin jetken. Sol sebepti osy joly «Qaztsınk-Torpedonyń» hokkeıshileri úshin óz qarsylasyn jeńý ońaıǵa soqpady. Oıynnyń jalǵyz shaıbasy ekinshi kezeńde soǵyldy. Ol kezde Óskemenniń klýby bir hokkeıshige artyq oınap, osy múmkindigin sheber paıdalana bildi. Úshinshi kezeńde shaıba soǵylǵan joq. Qorytyndy esep - 1:0. Osylaısha, «Qaztsınk-Torpedo» úsh upaıǵa ıe bolyp, jalpy týrnırlik kestede ekinshi orynǵa ornalasty. Qaraǵandylyq «Saryarqa» bolsa, ázirshe bir upaımen jetinshi orynda tur. Kelesi oıynda «Qaztsınk-Torpedo» erteń, qyrkúıektiń 11 kúni «Neftıanık» komandasymen kezdesedi. Esterińizde bolsa, Qurlyqtyq hokkeı lıgasynda búgin «Barys» óz alańynda «Lokomotıv» (ıAroslavl) komandasyn qabyldaıdy. Bul oıyn keshki saǵat 19:00-de bastalady. Ony «KAZsport» telearnasynan tikeleı efır arqyly kórýge bolady.
