Jeztyrnaq pen jalmaýyz kempir týraly otandyq fılm prokatqa shyǵady
ASTANA. QazAqparat - Osy jyldyń 31 qazanynda otandyq «Qarakoz» qorqynyshty fılmi prokatqa shyǵady, dep habarlaıdy QazAqparat tilshisi «Meloman Entertainment» kompanııasynyń baspasóz qyzmetine silteme jasap.
Atalmysh fılmde basty rólderdi Bıbigúl Aqtan, Álı Oqapov, Roman Jýkov, Darıa Aleksandrova, Saltanat Naýryz, Aıdos Ryshan, Vladıslav Býkatkın, Aldııar Baırakımov pen Azamat Ábdildınov somdaıdy. Rejısserler Sıderenko men ıAkobchýktyń týyndysy qazaqtyń eski ańyz-ápsanalaryndaǵy keıipkerlerge arnalǵan.
«Fılm jelisi boıynsha qazaq ańyzdaryndaǵy úreıli keıipkerler «tiriledi». Olar týraly ańyzdar aıtylyp keledi de, oqıǵa búgingi kúnge aýysady. Týyndyǵa qazaq ańyzdaryndaǵy Jeztyrnaq pen Jalmaýyz kempir, sondaı-aq Qapshaǵaı tas jolyndaǵy árýaq arqaý bolǵan» delingen habarlamada.
Fılmniń prodıýseri - I. Mahmutov. Atalmysh qorqynyshty fılm elimizdiń kınoteatrlarynda 31 qazanda kórsetile bastaıdy.
