«Jezkıik» festıvali Jezqazǵanda klassıkalyq mýzyka keshimen aıaqtaldy
Úsh kúnge sozylǵan aıtýly mýzykalyq oqıǵa «Rýhanı jańǵyrý» memlekettik baǵdarlamasynyń «Qazaqstannyń kıeli jerleri» jobasy jáne «Týǵan jer» arnaıy baǵdarlamasyn iske asyrý aıasynda ótkizildi.
Festıval Qazaqstannyń mádenı murasyn saqtaý, qazaq folkloryn damytý jáne klassıkalyq mýzykany nasıhattaý, týrısttik klasterdi damytý, halyq mádenıetin jan-jaqty tanymal etý maqsatynda júzege asyrylyp otyr.
Esterińizge sala keteıik, festıvaldiń birinshi kúni, 12 shildede týroperatorlar forýmy uıymdastyryldy. Ol Ulytaý aýylynyń mańynda ornalasqan Etnoaýyl aýmaǵynda ótti. Oǵan týrıstik bıznes, qaýymdastyqtar, memlekettik organdar, «Kazakh Tourizm» Ulttyq kompanııasy, qoǵamdyq uıymdar ókilderiniń jáne t.b. qatysty. Reseı, Qytaı, Ózbekstan jáne Qyrǵyzstan elderiniń sheteldik áriptesterimen seriktes Astana, Almaty qalalary, Aqmola, Jambyl jáne Qaraǵandy oblystarynan aqparattyq týrǵa 60-qa jýyq týrıstik operatorlar men týrızm qaýymdastyqtary qatysty. Aqparattyq týrdyń baǵdarlamasy tarıhı-mádenı, kıeli jáne týrıstik nysandardy qamtydy.
14 shildede «Jezkıik» sheńberinde Ulytaý aýdanynyń Bolatsaı mekeninde folklorlyq mýzyka festıvali ótti. Festıvalǵa Meksıka, Perý, Polsha, Reseı, Túrkııa, Tájikstan, Frantsııa, Shotlandııa, Japonııa jáne Qazaqstannan jınalǵan 11 kásibı ujymdar qatysty.
Al »Jezkıik» І Halyqaralyq mýzyka festıvaliniń úshinshi, qorytyndy kúninde klassıkalyq mýzyka keshi ótti. 14 shildede Jezqazǵanda Keńgir sý qoımasynyń jaǵalaýynyń boıymen etno-mýzyka festıvali qatysýshylarynyń sherýi, qatysýshylar gala-kontserti men marapattaý rásimi, solısterdiń qyzyl kilem ústimen ótken defılesi boldy. Sonan soń otandyq jáne sheteldik ártisterdiń qatysýymen klassıkalyq mýzyka kontserti uıymdastyryldy. Onda 10 elden (Qazaqstan, Túrkııa, Reseı, Ázerbaıjan, Avstrııa, Armenııa, Qyrǵyzstan, Ózbekstan, Moldavııa, Italııa) kelgen 17 solıst óner kórsetti.
Kórermender aldynda birinshi bolyp KSRO halyq ártisi Bıbigúl Tólegenova shyqty. Qazaq klassıkalyq mýzykasynyń ańyzy men «bulbuly» Úkili Ybyraıdyń «Gákký» ánin oryndady.
- Sońǵy kezderi men saparlarǵa kóp shyǵa qoımaımyn, alaıda soǵan qaramastan, men osynda kelmeı, sizdermen osy tamasha kúndi bólispeı jata almadym, - deıdi Bıigúl Tólegenova.
Sondaı-aq festıval kórermenderi QR jáne Tatarstan halyq ártisi Nurjamal Úsenbaevany dý qol shapalaqtap qarsy aldy.
- Biz barlyqtaryńyzdy «Jezkıik» mýzyka festıvalimen quttyqtaımyz. Bul óte tamasha shara, keshegi etno aýylda ótken gala-kontsert erekshe boldy. Al búgingi kontsert bizdi tyńdarmandarymyzben jaqyndastyrady. Opera men klassıkalyq mýzykany súıetin qaýym barlyq jerde bar, - dedi Nurjamal Úsenbaeva.
Kórermender úshin Jezqazǵan qalasynda festıvalǵa arnaıy salynǵan amfıteatrda dúnıejúziniń 10 memleketterinen (Qazaqstan, Túrkııa, Reseı, Ázerbaıjan, Avstrııa, Armenııa, Qyrǵyzstan, Ózbekstan, Moldavııa, Italııa) 17 solıst óner kórsetti. Bıbigúl Tólegenova (Almaty, Qazaqstan), Shenol jáne Gıýlchohra Talynly (Túrkııa), Nurjamal Úsenbaeva (Astana, Qazaqstan) - Astana, Vladımır Moroz (Reseı), Ilham Nazarov (Ázerbaıjan), Amantaı Ybyraev (Qaraǵandy, Qazaqstan), Talǵat Musabaev (Astana, Qazaqstan) - Astana, Oksana Davydenko (Almaty, Qazaqstan) - GATOB, Talǵat Ydyrysov (Qaraǵandy, Qazaqstan), Jan Tapın (Astana, Qazaqstan) - Astana, Anna Rıan (Avstrııa), Asmık Leolıan (Armenııa), Elnýra Janabergenova (Qyrǵyzstan), Jeńisbek Pııazov (Ózbekstan), Igor Podgorıaný (Moldavııa), Marko Boenı (Italııa).
Klassıkalyq mýzyka keshinde «Birjan Sara» operasy, «Abaı» operasynan arııa, Latıf Hamıdıdiń «Qazaq valsi» sekildi qazaq klassıkalyq mýzykasymen qatar, dúnıe júzine áıgili Djýzeppe Verdıdiń, Jorj Bıze, Djakomo Pýchchını, Djeıms Last, Iogann Shtraýstyń jáne taǵy da basqa kóptegen kompozıtorlardyń týyndylary shyrqaldy. 
Klassıkalyq mýzyka keshiniń solısteri osyndaı orasan zor sharanyń uıymdastyrylýyna qatysty alǵystaryn bildirdi. Al kórermender bolsa, osyndaı mereke uıymdastyrylǵany úshin sezimge toly júrekjardy tilekterin aıtty.
- Keshe biz Ulytaýda festıvalda bolyp qaıttyq: erekshe tabıǵat jáne esten ketpes aýa, tamasha kontsert jáne ártister. Biz barlyq mýzykanttarmen sýretke tústik. Búgin barlyǵy odan da jaqsy bolady dep oılaımyz. Munda osyndaı záýlim, erekshe saxna ornatady dep kútpegen edik. Kórinis tamasha", - deıdi Jezqazǵan qalasynyń turǵyny Elmıra.
- Keshe men folklorlyq mýzykany tyńdadym, óte qatty unady. Bizge, Jezqazǵan men Ulytaýǵa alǵash ret 11 eldiń ártisteri kelip otyr - bul bir úlken jetistik. Endi kóptegen elder men adamdar Ulytaý men Jezqazǵan týraly biletin bolady, - dedi Samal Jezqazǵannan.
Festıval otshashýmen aıaqtaldy.
