Murat Bóribaev Jezqazǵan ákimi bolyp taǵaıyndaldy
ASTANA. KAZINFORM — Ulytaý oblysynyń ákimi Eset Baıken búgin Jezqazǵan qalasynyń aktıvine jańa ákimdi tanystyrdy. Búginnen bastap oblys ortalyǵyn Murat Bóribaev basqarady.
Murat Bóribaev 1991 jyly dúnıege kelgen.
Metallýrgııa, ekonomıka jáne bıznes bakalavry, memlekettik menedjment magıstri. Qaraǵandy memlekettik tehnıkalyq ýnıversıtetin, Qaztutynýodaǵy Qaraǵandy ekonomıkalyq ýnıversıtetin, Qazaqstan Respýblıkasy Prezıdentiniń janyndaǵy Memlekettik basqarý akademııasyn bitirgen.
Eńbek jolyn «Qazaqmys» korporatsııasy JShS fılıaly «Qaraǵandytústimet» ÓB «Nurqazǵan» baıytý fabrıkasy bas korpýsynyń úshinshi razrıadty flotatory bolyp bastady.
2011-2012 jyldary — «Qazaqmys» korporatsııasy JShS «Qaraǵandytústimet» ÓB fılıalynyń «Nurqazǵan» baıytý fabrıkasy jetekshiliginiń ákimshilik bas korpýsynda is júrgizýshi;
«Qazaqmys» korporatsııasy JShS fılıaly «Qaraǵandytústimet» ÓB «Nurqazǵan» baıytý fabrıkasy bas korpýsy baqylaý tsehynyń sheberi;
2012-2013 jyldary — «Qazaqmys» korporatsııasy JShS «Qaraǵandytústimet» fılıaly Nurqazǵan baıytý fabrıkasy bas korpýsy tsehynyń bastyǵy;
2013-2014 jyldary — «Qazaqmys» korporatsııasy JShS «Shyǵystústimet» ÓB Orlov kenishi BF bas ınjeneri;
2014-2015 jyldary — «Qazaqmys» korporatsııasy JShS «JTM» ÓB № 1, 2, 3 Jezqazǵan baıytý fabrıkasy № 2 bas korpýsy tsehynyń bastyǵy;
2015-2017 jyldary — «Qazaqmys» korporatsııasy JShS «QTM» fılıaly Nurqazǵan baıytý fabrıkasynyń dırektory;
2017-2024 jyldary «Jezqazǵantústimet» ÓB № 1, 2, 3 Jezqazǵan baıytý fabrıkasynyń dırektory;
Taǵaıyndaýǵa deıin Sátbaev qalasynyń ákimi boldy.
Eske salaıyq, munyń aldynda Jezqazǵan ákimi Qaırat Shaıjanov qyzmetinen ketkenin habarlaǵan edik.
