Jezqazǵandyqtarǵa jeke úı salýǵa 2 myńǵa jýyq ýchaske beriledi
ASTANA. QazAqparat - Jezqazǵanda 127 shaqyrym ınjenerlik ınfraqurylym salynady. Bul jaıly qala ákimi Batyrlan Ahmetov aımaqtyq kommýnıkatsııalar qyzmetinde ótken brıfıng barysynda málimdedi, dep habarlaıdy oblystyq ákimdiktiń baspasóz qyzmeti.
«Nurly Jer» baǵdarlamasy aıasynda ótken jyly qalanyń batys bóliginiń ınjenerlik jelisiniń qurylysy aıaqtalǵan bolatyn. Bul óz kezeginde jeke úı salýǵa arnalǵan 670 jer telimin berýge jáne jer telimderine degen kezekti 28%-ǵa qysqartýǵa múmkindik beredi», - dep málimdedi Batyrlan Ahmetov.
Josparda taǵy 127 shaqyrym ınjenerlik ınfraqurylymnyń qurylysy tur. Bul 1300-den astam jer telimderin kommýnıkatsııalarmen qamtamasyz etedi jáne de jer alýǵa kezekte turǵyndardyń sanyn 35%-ǵa tómendetedi. «Nurly Jer» baǵdarlamasy boıynsha jeke úılerdiń qurylysyna arnalǵan taǵy 500-den astam jer telimderi beriledi dep josparlanyp otyr.
«Ol úshin biz jobalyq-smetalyq qujattardy daıyndap, memlekettik saraptamaǵa ótinim berdik. Kelesi jyldan bastap qurylys bastalady», - dep túsindirdi Jezqazǵan qalasynyń ákimi.
Jezqazǵanda baspana alýǵa kezekte 2103 turǵyn tur. «Nurly Jer» baǵdarlamasy boıynsha qalada 5 turǵyn úı salý josparlanǵan.
