Jezqazǵandyqtar mýzeıge 300-ge jýyq biregeı eksponat tapsyrdy
QARAǴANDY. QazAqparat - Jezqazǵan turǵyndary qalanyń tarıhı-arheologııalyq mýzeıine 300-ge jýyq eksponat tapsyrdy, dep habarlaıdy QazAqparat tilshisi.
«Jańa kókjıektegi mýzeı» respýblıkalyq festıvali aıasynda Jezqazǵan tarıhı-arheologııalyq mýzeıiniń qyzmetkerleri 2018 jyldyń qantar-sáýir aılarynda «Óz esimińdi tarıhta qaldyr» aktsııasyn ótkizdi. Onyń maqsaty - murajaı qoryn sırek kezdesetin jáne biregeı eksponattarmen tolyqtyrý», - dedi mýzeı basshysynyń orynbasary Zaǵıra Qalmenova.
Mysalǵa, Memlekettik qyzmet salasyndaǵy óńirlik habtyń basqarýshy komıtetiniń tóraǵasy Álıhan Báımenov mýzeı qoryna qundy jádiger - HІH ǵasyrdaǵy «Shahname» basylymyn tapsyrdy.
Sondaı-aq Jezqazǵan turǵyndary men qonaqtary budan bylaı qoldan tigilgen alashany, aǵashtan jasalǵan kóne ydysty, saptama etikti, HH ǵasyrdyń ortasyndaǵy baspa mashınkasyn, tuńǵysh ǵaryshker-áıel V.Tereshkovaǵa tapsyrylǵan «Ǵaryshty ıgerýge 50 jyl» belgisin kóre alady.
Murajaı qory sonymen qatar saıası qýǵyn-súrginge ushyraǵandar azamattardyń bas bostandyǵynan aıyrý mekemelerinde týǵan-týysqandaryna jazǵan hattarymen tolyqty.
