Jezqazǵandyq sharýalardy 37 mln teńgege aldap ketken alaıaqtar ustaldy
Jezqazǵan qalasy polıtsııa basqarmasynyń tergeýshileri alaıaqtyqtyń faktisi boıynsha 116 qylmystyq isti sotqa joldady. 2020 jyldan bastap 2022 jyl aralyǵynda Qaraǵandy oblysynyń Jezqazǵan qalasynyń PB tergeý bólimine 116 sharýa qojalyǵynyń ıeleri aryzben júgingen. Olardyń barlyǵy belgili bir tulǵalardyń alaıaqtyq áreketteriniń qurbany bolǵan.
«Alaıaqtar zardap shekkenderdiń árqaısysyna quny 2,5 mln teńge qarda júretin kólik pen quny 300 myń teńge bolatyn kıiz úıdi tegin jetkizýdi usynǵan. Bul rette qylmyskerler sharýa qojalyqtaryna agroónerkásiptik keshen sýbektilerin sýbsıdııalaý qaǵıdalary aıasynda shyǵyndardyń bir bóligi óteledi dep málimdegen. Aýyl turǵyndarynyń senimin arttyrý úshin olar keńse ashyp, úgit-nasıhat jáne túsindirý jumystaryn júrgizip otyrǵan. Olardyń keltirgen shyǵyn 37 mln teńgeni qurady», - dep jazdy atalǵan saıt.
Alaıaqtardyń ústinen QR QK 190-baby (alaıaqtyq) boıynsha qylmystyq is qozǵaldy. Jedel-izdestirý is-sharalary barysynda polıtsııa qyzmetkerleri 28-34 jas aralyǵyndaǵy Nur-Sultan qalasynyń úsh turǵynyn ustady. Olar Qaraǵandy oblysynyń sharýa qojalyqtarynyń ıelerine tıesili qarajatty zańsyz ıelenýmen baılanysty qylmystyq nıetpen uıymdastyrǵandaryn moıyndady.
Barlyq qajetti tergeý áreketteri júrgizilip, dáleldemeler bazasy bekitilgennen keıin qylmystyq is sotqa qaraýǵa jiberildi.