Jezqazǵandyq bilim bólimi birneshe balabaqshanyń tıisti qarjysyn tólemegeni anyqtaldy
ASTANA. KAZINFORM — Ulytaý oblysynyń prokýratýrasy kásipkerlerdiń joldanymdaryn qaraý kezinde birqatar buzýshylyqtardy anyqtady.
Atap aıtqanda, balabaqshalardy dotatsııalaý máselesin zerdeleý barysynda Jezqazǵan qalasynyń bilim bólimi «Altyn besik», «Shapaǵat», «Mıras», «Darııa» balabaqshalaryna oryndalýdaǵy shart sheńberinde qarajat tólemegen.
«Prokýratýranyń Ulytaý oblysynyń bilim basqarmasyna engizilgen usynýynan keıin ǵana 220 balaǵa bólingen 12 mln teńge kásipkerlerge tólendi.
Basqa jaǵdaıda, Ulytaý oblysynyń Memlekettik kirister departamenti «Memlekettik satyp alý týraly» Zańnyń talaptaryn buzyp kásipkerdiń quqyqtaryn shektegen.
Departament memlekettik satyp alý boıynsha qol qoıylǵan oryndalǵan jumys aktisine qaramastan, kásipkerge jetkizilgen taýar úshin tólemdi 4 aı boıy aýdarmaǵan», — dep jazdy baqylaýshy organnan.
Prokýrorlyq qadaǵalaý aktisi negizinde kásipkerge qarajat tolyq kólemde tólendi.
Jaýapty tulǵalar tártiptik jaýaptylyqqa tartyldy.
