Ulytaýdan shyqqan metallýrg «Qazaqstan Eńbek eri» atandy
ASTANA. KAZINFORM — Jezqazǵandyq balqytýshy Ábdirashıt Dospanov «Qazaqstannyń Eńbek Eri» atandy, dep habarlaıdy Aqordanyń baspasóz qyzmeti.
— Memleket basshysynyń Jarlyǵymen óndiristik qyzmettegi asa úzdik eńbegi úshin «Kazakhmys Smelting» JShS Jezqazǵan mys balqytý zaýytynyń balqytýshysy Ábdirashıt Qoıshybekuly Dospanovqa joǵary dárejeli erekshelik belgisi — «Qazaqstannyń Eńbek Eri» ataǵy berilip, aıryqsha erekshelik belgisi — Altyn juldyz ben «Otan» ordeni tapsyrylady, — delingen habarlamada.
Osy Jarlyq qol qoıylǵan kúninen bastap qoldanysqa engiziledi.
Buǵan deıin Prezıdent Qasym-Jomart Toqaev qutqarýshylarǵa memlekettik marapattar tapsyrǵanyn jazǵanbyz.
