Jezqazǵandaǵy jylý ortalyǵynyń eskirgen qazandyǵy jańartylady

JEZQAZǴAN. QazAqparat – Kazakhmys Energy kompanııasy Jezqazǵan JEO-syndaǵy eskirgen qazandyq agregattarynyń birin almastyrady. Eskisi óziniń normatıvtik merzimin oryndap boldy. Jańa jabdyqtar Jezqazǵan turǵyndaryn sapaly jylýmen qamtamasyz etýi tıis, dep habarlaıdy QazAqparat tilshisi.

Jańa qazandyqty jetkizýshi – «Qyzyl qazandyq» Taganrog qazandyq zaýyty.

Qazandyq agregatyn jobalaý kezinde zııandy shyǵaryndylardy azaıtý jáne jumystyń tehnıkalyq-ekonomıkalyq kórsetkishterin ulǵaıtý boıynsha zamanaýı tehnologııalar eskerildi. Jańa qazandyq únemdi jáne ekologııalyq talaptarǵa sáıkes keledi.

Jobanyń jalpy quny 8 mıllıard teńgeden asty.

Qazandyq agregatyn aýystyrý jobasy ázirlendi. Paıdalanylǵan jabdyqtar tolyǵymen bólshektelgen. Qyrkúıekten bastap montajdaý jumystary bastalady. Jobany aıaqtaý merzimi – 2023 jylǵy qańtar.

Salmaǵy 420 tonnadan asatyn negizgi jabdyq Topar kentiniń GRES-2 qoımasynda ornalasqan. Ony temir jol arqyly Jezqazǵanǵa jetkizedi.

Jezqazǵan JEO-synyń qazandyq agregattarynyń tozýy 75%-dan asady.