Jezqazǵandaǵy mýzykalyq kolledjdiń shatyryn jel julyp áketti
JEZQAZǴAN. QazAqparat - Jezqazǵanda aýmaǵy 400-500 sharshy metr ǵımarattyń shatyry ushyp ketti, dep habarlaıdy QazAqparat Ulytaý oblysy Tótenshe jaǵdaılar departamentiniń baspasóz qyzmetine silteme jasap.
«26 maýsym kúni saǵat 16:25-te Ulytaý oblysy Tótenshe jaǵdaılar departamenti Kúshter men quraldardy basqarý ortalyǵynyń 112 dıspetcherlik pýnktine Jezqazǵan qalasy, Baıqońyr kóshesi, 17-úıge qatty jeldiń saldarynan zalal kelgeni týraly habarlama tústi. Jezqazǵan mýzykalyq kolledji ǵımaratynyń shatyry jartylaı búlingen. 400-500 sharshy metr aýmaqty alyp jatqan ǵımarattyń shatyry ushyp ketken», - dep habarlady vedomstvonyń baspasóz qyzmeti.
Tótenshe jaǵdaılar departamenti qaza tapqandar men zardap shekkender joq dep qosty.
«Qazgıdromet» RMK málimetinshe, sol kúni Jezqazǵan qalasynda jeldiń jyldamdyǵy 15-20 m/s deıin barǵan.
