Jezqazǵandaǵy epıdemıologııalyq jaǵdaı turaqtandy
JEZQAZǴAN. QazAqparat - Sońǵy aptada Jezqazǵanda COVID-19 juqtyrýǵa qatysty jaǵdaı azaıyp, juqpaly aýrýlar statsıonarynyń júktemesi tómendedi. Biraq aýrýhanalar men provızorlyq gospıtalderde qajetti tehnıkamen jabdyqtaý toqtaǵan joq, dep habarlaıdy QazAqparat tilshisi.
Qazirgi ýaqytta ınfektsııalyq tósek-oryn júktemesi 42,3%-ǵa deıin, provızorlyq tósek-oryn – 42,6% - ǵa deıin azaıdy. Jan saqtaý bólimi 65%-ǵa júktelgen.
Sondaı-aq, jedel medıtsınalyq járdem qyzmetine júkteme birtindep tómendeýde. Sońǵy aptada koronavırýs ınfektsııasy men pnevmonııa boıynsha shaqyrý sany 1 308-den 993-ke deıin qysqardy.
Pandemııa kezinde Jezqazǵan men Sátbaev aýrýhanalaryna 6 ÓJJ apparat, 174 ottegi kontsentratory, 28 pýlsoksımetr satyp alyndy. Bul jabdyqtardy Densaýlyq saqtaý basqarmasynyń qarajatyna jáne «Qazaqmys» korporatsııasynyń demeýshilik kómeginiń arqasynda satyp alýǵa múmkindik týdy.
Jaqyn arada atalmysh qalalardyń gospıtaldaryna 3 ÓJJ appparaty jáne 70 pýlsoksımetr kelip túsedi.
Jezqazǵan, Sátbaev qalalarynda kompıýter tomografııasy kabıneti jumys isteıdi. Bıyl qazan aıynda taǵy ekeýin ashý josparlanyp otyr. Osy ýaqytqa deıin eki zamanaýı sandyq rentgen apparatyn satyp alý kózdelip otyr. Bul tekserýdiń qoljetimdiligin arttyrady, aýrýdy der kezinde anyqtaýǵa jáne aýrýdyń aýyr túrine ótýine jol bermeı em júrgizýge múmkindik beredi.
«Jezqazǵan medıtsınalyq ortalyǵynda» táýligine 500 zertteýge arnalǵan PTR zerthana jumys isteıdi. Qalanyń barlyq medıtsınalyq mekemeleri qajetti tehnıkamen jabdyqtalǵan, dári-dármekterdiń aılyq qory bar.
22-23 shilde aralyǵynda Qaraǵandy oblysynyń Densaýlyq saqtaý basqarmasynyń basshysy Erjan Nurlybaev Jezqazǵan aımaǵynda boldy. Ol kópbeıindi aýrýhananyń juqpaly aýrýlar bólimshesiniń qyzmetimen tanysyp, oblys ortalyǵynyń eki dáriger brıgadasymen birge aýrýhananyń medıtsınalyq qyzmetkerlerine uıymdastyrýshylyq-ádistemelik kómek kórsetedi.
Medıtsınalyq ortalyq bazasynda Erjan Nurlybaev óńirdiń medıtsına uıymdarynyń basshylarymen koronavırýs yq ınfektsııasynyń aldyn alý jáne oǵan qarsy is-qımyl máseleleri boıynsha keńes ótkizdi.
Sondaı-aq, 23 shildede Jezqazǵan aımaǵynyń turǵyndary úshin tikeleı efırde onlaın brıfıng ótti, onda oblystyń densaýlyq saqtaý basqarmasynyń basshysy turǵyndardyń suraqtaryna jaýap berdi.
