Jezqazǵandaǵy Annenskaıa kenishinde apat bolyp, bir jumysshy qaza tapty

JEZQAZǴAN. KAZINFORM – Shyǵys Jezqazǵan kenishindegi Annenskaıa shahtasynda qaıǵyly oqıǵa boldy. Bul týraly týraly «Qazaqmys» kompanııasynyń baspasóz qyzmeti málim etti.

— Óndiristik apat saldarynan 1985 jyly týǵan 5-razrıadty usaqtaǵysh qaza tapty. Oqıǵanyń mán-jaıy men sebepteri anyqtalyp, oqıǵanyń mán-jaıyn anyqtaý úshin arnaıy komıssııa quryldy, — delingen habarlamada.

Qazaqmys basshylyǵy men ujymy marqumnyń otbasy men jaqyndaryna shyn júrekten kóńil aıtatyny jazylǵan.

— Qaza bolǵan jumysshynyń otbasyna barlyq qajetti kómek, ujymdyq shartta qarastyrylǵan tólemder, onyń ishinde jerleý shyǵyndary kórsetiledi, — dep jazdy kompanııa. 

Eske sala keteıik, buǵan deıin Qaraǵandy oblysyndaǵy «Saıaq-3» shahtasynda eki qyzmetker qaza tapqan bolatyn.