Jezqazǵanda jumysshylardyń kıimderine chıpter ornatylýda

JEZQAZǴAN. QazAqparat - Jezqazǵan qalasynda jumysshylardyń kıimderi tsıfrlandyrylyp jatyr. Tigin kásiporny jańa tehnologııanyń kómegimen árbir kıimge chıp engizýde. Oǵan jumysshy týraly jeke málimetter jazylatyn bolady, dep habarlaıdy QazAqparat «Habar 24» arnasyna silteme jasap.

Atap ótilgendeı, árbir jumys kıimine jeke adam týraly aqparattar jazylǵan shtrıh-kod nemese QR-kody bar japsyrǵysh tigiledi. Jergilikti mamandar oılap tapqan kompıýterlik baǵdarlama chıpterdi oqıdy, óńdeıdi, turǵan jerin anyqtaıdy jáne solar boıynsha esep daıyndaıdy.

«Bul ásirese, myńdaǵan adam eńbek etetin óndiris oshaqtary úshin óte tıimdi», - deıdi jańa baǵdarlamanyń avtorlary.

Al tigin kásiporny negizinen óńirdegi zaýyt-fabrıkalar men shahta jumysshylaryn arnaıy kıimmen qamtamasyz etedi.

«Jańa tehnologııany óndiriske engizý úshin zamanaýı qondyrǵylar satyp aldyq. Kıimge tigilgen chıp uzaq saqtalady. 50 ret jýýǵa jetedi. Búlinip qalmaıdy. Keıin aýystyrýǵa bolady», - deıdi tigin kásipornynyń IT mamany Nıkolaı Mıshýko.