Jezqazǵanda júk kóligi kópirden ushyp ketti

JEZQAZǴAN. QazAqparat – Jezqazǵanda «KamAZ» markaly júk kóligi kópirden ushyp ketti. Júrgizýshi aýrýhanaǵa jetkizildi, dep habarlaıdy QazAqparat tilshisi.

Qaıǵyly oqıǵa Jezqazǵannyń mys balqytý kombınatyna barar jolda oryn aldy. «KamAZ» markaly júk tasyǵysh kólik kópirden ushyp ketti.

«Aǵymdaǵy jyldyń 20 shildesinde saǵat 14.05 shamasynda «KamAZ» avtokóliginiń 64 jastaǵy júrgizýshisi rýldi basqara almaı, kólik quralymen kópirden ushyp ketti. Jol - kólik oqıǵasy saldarynan júrgizýshi medıtsınalyq mekemege jetkizildi», - dep habarlady Qaraǵandy oblysy PD baspasóz qyzmeti.

Fakt polıtsııada tirkelip, tıisti saraptamalar taǵaıyndaldy, olardyń nátıjeleri boıynsha protsessýaldyq sheshim qabyldanatyn bolady.

Foto: instagram.com/etozhez