Jezqazǵanda Joshy han tarıhı-mádenı kesheniniń qurylysy qarqyndy júrip jatyr
JEZQAZǴAN. QazAqparat - Jezqazǵanda Joshy han tarıhı-mádenı keshenniń qurylysy qarqyndy júrip jatyr. Bul qazaq halqynyń ótkenine qyzyǵýshylyq tanytatyn týrıster úshin jańa biregeı oryn bolmaq, dep habarlaıdy QazAqparat tilshisi.
Jezqazǵan óńirine jumys sapary barysynda Qaraǵandy oblysynyń ákimi Jeńis Qasymbek qurylys jumystarynyń barysymen tanysty.
Keshenniń ishinde Jezqazǵannyń kıeli jerlerine arnalǵan ekspozıtsııalar men demonstratsııalarǵa arnalǵan zaldar ornalasqan. Dızaınerler tarıhı jazbalardy qalpyna keltirip, balaýyz fıgýralaryn salady.
Kirpishtiń arnaıy tóselýiniń arqasynda aýa raıyna qaramastan ǵımarat árdaıym jyly bolady. Týrıster úshin qonaq úı kesheni men ashana salynady.
Qurylys kompanııasynyń dırektory Abaı Baıdildaevtyń aıtýynsha, nysanda qurylysshylar eki aýysymmen jumys isteıdi. Qazir qurylysshylar ishki árleý jumystaryna kiristi. Aýmaqty abattandyrý jáne kógaldandyrý sharalry júrgiziledi. Jumystardy jyl sońyna deıin aıaqtaý josparlanyp otyr.
Keshenniń aýlasynda Joshy hannyń bes metrlik granıt eskertkishi turǵyzyldy. Tarıhı keshenniń aınalasynda etno-aýyl paıda bolady. Ulttyq buıymdar men áshekeıler kórmesin ótkizý úshin kıiz úıler men shatyrlar ornatylady.
Joshy hannyń tarıhı-mádenı kesheni Altyn Orda dáýirin zertteýge arnalǵan ǵylymı ortalyqqa aınalady. Munda otandyq jáne sheteldik ǵalymdardyń qatysýymen ǵylymı konferentsııalar men sımpozıýmdar ótkiziledi. Sondaı-aq, keshen bazasynda oqýshylar úshin kóshpeli tarıh sabaqtary uıymdastyrylady dep josparlanyp otyr.
