Jezqazǵanda jol erejesin buzyp, toı kortejin uıymdastyrǵandar jaýapqa tartyldy
ASTANA. KAZINFORM – Jezqazǵanda jol erejesin buzǵan toı korteji anyqtalyp, 6 adam jaýapqa tartyldy.
Jedel basqarý ortalyǵynyń ınspektorlary beınebaqylaý kameralary arqyly Saryarqa kóshesinde qozǵalysta bolǵan avtokolonnanyń jol júrisi qaǵıdalaryn buzǵanyn anyqtady.
Tekserý barysynda avtokolonnanyń úılený toıyna qatysý maqsatynda uıymdastyrylǵany belgili boldy. Atap aıtqanda, jolaýshylardyń avtokólik terezesinen denesin shyǵarǵany, kólik quralyn basqarý quqyǵy joq adamǵa avtokólikti basqarýǵa bergeni jáne qarsy baǵyttaǵy jol jolaǵyna shyqqany anyqtaldy.
Anyqtalǵan quqyq buzýshylyqtar boıynsha júrgizýshiler men jolaýshylar zańnamaǵa sáıkes ákimshilik jaýapkershilikke tartyldy.
Jalpy, 6 azamat ákimshilik jaýapkershilikke tartylyp, 2 avtokólik arnaıy aıypturaqqa qoıyldy.
Polıtsııa azamattardy jol qozǵalysy erejelerin qatań saqtaýǵa jáne ózge de jol qozǵalysyna qatysýshylardyń qaýipsizdigine qaýip tóndiretin áreketterge jol bermeýge shaqyrdy.
Aıta keteıik, Atyraýda toı kortejine qatysýshylardyń jol qozǵalysy erejelerin óreskel buzǵany anyqtalyp, 8 azamat ákimshilik jaýapkershilikke tartyldy.
