Jezqazǵanda joǵalǵan 13 jastaǵy qyz izdestirilýde
QARAǴANDY. QazAqparat - Qaraǵandy oblysy Jezqazǵanda 13 jastaǵy oqýshy Lııa Beıdeldi izdestirýde. Ol tórt kún buryn joǵalǵan. Bul týraly oblystyq ІІD habarlady.
«13 jastaǵy qyzdyń joǵalýy boıynsha tergeý amaldary júrgizilip jatyr. Jedel izdestirý toby quryldy. Oǵan krımınaldyq jáne jergilikti polıtsııa qyzmetkerleri kirdi. Іzdeý sharalaryna sonymen birge, áskerıler, bilim bóliminiń qyzmetkerleri men eriktiler qosyldy», - delingen habarlamada.
13 jastaǵy Lııa Beıdel 4 sáýirde úıinen mektepke shyǵyp, qaıta oralmaǵan. Kelesi kúni ata-anasy onyń joǵalǵanyn polıtsııaǵa habarlaǵan.
Polıtseıler kópshiliktiń kómegin surap otyr. Qyzǵa qatysty qandaı da bir málimetti biletinder bolsa 8 (7102) 76-15-53,76-33-99, faks 76-33-99 nemese 102 telefondary arqyly habarlaýyna bolady.
«Beıdel Lııa Vasılevna, 13.09.2002 jyly týǵan.
Syrt pishini: boıy 160-165 sm, aryqtaý, shashy aq sary, kózi qońyrqaılaý (temnye), qyr murndy, juqa erndi.
Kıgen kıimi: qara tústi bylǵary kúrtke, aq tústi jeńil jeıde, kók tústi djıns shalbary, tabany aq qara tústi kedy», - delingen habarlamada.
