Jezqazǵanda jasóspirim jol apatynan qaza tapty
JEZQAZǴAN. KAZINFORM — Jezqazǵanda jasóspirimniń qaza bolýyna ákep soqqan jol-kólik oqıǵasynyń mán-jaıy anyqtalyp jatyr. Qaıǵyly oqıǵa Sholohov kóshesinde bolǵan.
Aldyn ala málimet boıynsha, BMW kóliginiń júrgizýshisi rólge ıe bola almaı qalǵan. Sonyń saldarynan kólik qozǵalys baǵytyn ózgertip, elektr jelisiniń baǵanyna soǵylǵan.
Apat kezinde alǵan jaraqaty saldarynan kámeletke tolmaǵan jolaýshy oqıǵa ornynda kóz jumdy. Jol-kólik oqıǵasyna qatysqan taǵy eki adam medıtsınalyq mekemege jetkizilip, qajetti kómek kórsetilip jatyr. Olardyń qazirgi jaǵdaıy týraly ázirge aqparat joq.
Atalǵan fakti boıynsha Jezqazǵan qalasynyń polıtsııa basqarmasy sotqa deıingi tergeýdi bastady. Quqyq qorǵaý organdary jol apatyna ákep soqqan sebepter men jaǵdaılardy qosa alǵanda, oqıǵanyń barlyq mán-jaıyn anyqtap jatyr.
Tergeý barysy Polıtsııa basqarmasynyń baqylaýynda.
Buǵan deıin Qonaevta kámeletke tolmaǵan jaıaý júrginshini kólik astyna túsip, qaza bolǵany habarlanǵan edi.
