Jezqazǵanda jańa turǵyn úıler boı kóteredi
ASTANA. QazAqparat - Bıyl Jezqazǵan qalasynda birneshe kópqabatty turǵyn úı qurylysy bastalady, dep habarlaıdy QazAqparat qala ákimdiginiń baspasóz qyzmetine silteme jasap.
Qala ákimdiginiń habarlaýynsha, 2018 jyly tórt qabatty 36 páterli, bes qabatty 30 páterli turǵyn úı qurylysyn bastaýǵa 389,2 mln teńge bólinip otyr.
Budan bólek, taǵy tórt kópqabatty turǵyn úı qurylysyna jalpy quny 40,4 mln teńge bolatyn jobalyq-smetalyq qujattar ázirleý josparlanǵan.
«Sondaı-aq, qurylys salýshylar esebinen qalada jalpy aýdany 8200 sharshy metr bes turǵyn úı salý josparlanýda. Ol turǵyn úıler «Saryarqa» JShS, «SovInTeh» JShS jáne «Samǵa» kompanııalarynyń qarajatyna salynatyn bolady», - deıdi qala basshysy Batyrlan Ahmetov.
Búginde qalada memlekettik turǵyn úı qorynan baspana alý kezegine 2103 azamat tirkelgen. Olardy qoljetimdi baspanamen qamtamasyz etý úshin 93,5 myń sharshy metr úı salý kerek.
Avtory Darhan Muqantegi
