Jezqazǵanda jalǵan aqsha aıyrbastaǵan kúdikti ustaldy
ASTANA. QazAqparat - Jezqazǵan turǵyndary belgisiz er adamnyń jalǵan aqsha aıyrbastap júrgeni týraly polıtsııaǵa shaǵymdandy, dep habarlaıdy QazAqparat tilshisi oblystyq ІІD baspasóz qyzmetine silteme jasap.
10 naýryzda Jezqazǵan polıtsııasyna 56 jastaǵy áıel habarlasyp, Ortalyq bazarda belgisiz er adam aqshasyn usaqtap berýin surap 10 000 teńgelik jalǵan kýpıýrany bergeni týraly aıtqan. Bul fakti Sotqa deıingi tergep-tekserýlerdiń biryńǵaı tizilimine QR QK 231-babynyń 1-bóligi boıynsha tirkeldi.
11 naýryzda taǵy bir turǵyn jalǵan aqsha alyp, zardap shekkeni týraly ótinish jazǵan.
Polıtsııanyń jedel áreketteriniń nátıjesinde Jezqazǵan turǵyny ustaldy. Kúdikti aıybyn moıyndap túsinikteme bergen. Onyń úıin tintý kezinde 200 dollar (100 dollarlyq kýpıýralarmen) jáne 49500 teńge (500, 1000, 2000, 10000 jáne 20000 teńgelik kýpıýralarmen) tabylǵan.
Qazirgi kezde tıisti saraptamalar taǵaıyndalyp, tergeý amaldary júrgizilip jatyr.
