Jezqazǵanda úzdik volonterler marapattaldy
Marapattaý rásimi eki kezeńde ótti. Alǵashqy ondyqty Jezqazǵan qalasynyń ákimi Qaırat Ábsattarov quttyqtady.
Ákim koronavırýspen kúres halqymyzdyń erekshelikterin aıqyn kórsetkenin atap ótti. Ol qasıetter - ózara kómek, janashyrlyq, buryn-sońdy bolmaǵan qıyndyqqa qarsy turýǵa daıyn bolý.
Aldyńǵy qatarda turǵandardyń qatarynda jeke kásipkerler Baýyrjan Muqashev, Baýyrjan Nysanbaev, Erǵazy Kórpequlov jáne Botajan Dostanbekova, sondaı-aq túrli sala ókilderi boldy.
Marapattaýdyń ekinshi kezeńi «Birlik» volonterler klýbynyń keńsesinde ótti. Іshki saıasat bóliminiń basshysy Mereke Myrzabekova eriktilerdi merekemen quttyqtap, janashyr jandarǵa alǵysyn jetkizdi.
«Prezıdentimiz Qasym-Jomart Toqaev atap ótkendeı, volonterlik - jaı ǵana tegin jumys emes, bul - azamattardyń jaýapkershiliginiń kórsetkishi jáne álemdi jaqsy jaqqa ózgertýge daıyn bolý. Eriktilik - myqty adamdardyń ǵana emes, ol bir nárseni ózgertkisi, túsingisi, kórgisi jáne kómekteskisi keletinderdiń barlyǵyna arnalǵan is», - deıdi Jezqazǵan jastar resýrstyq ortalyǵynyń jetekshisi Saıat Balmaǵanbetov.
