Jezqazǵanda úıinen ketip qalǵan 15 jasar qyz bir kúnnen keıin tabyldy
JEZQAZǴAN. QazAqparat - Qaraǵandy oblysynda iz-tússiz ketkenderdiń faktisi tirkeldi, dep habarlaıdy Polisia.kz.
Jezqazǵan qalasy polıtsııa basqarmasynyń kezekshi bólimine Jezqazǵan qalasynyń 40 jastaǵy turǵyny shaǵymdanyp keldi. Onyń aıtýynsha, 15 jasar qyzy dúkenge kettim dep sodan beri úıine oralmaǵan.
Jedel-izdestirý sharalarynyń arqasynda kelesi kúni saǵat 14:00 shamasynda 15 jasar qyz bala aman-esen úıine jetkizildi.
«Mundaı jaǵdaı bolmas úshin balańyzdyń minezindegi ár ózgeristi nazardan tys qaldyrmańyz. Keıde turmystyq usaq-túıek kıkiljińnen keıin de ashýǵa basqan bala úıden ketip qalyp jatady. Sondyqtan sońǵy táýlikte bolǵan oqıǵalardy ret-retimen eske túsirip, ony izdeýshi ınspektorlarǵa basynan aıaǵyna deıin aıtyp bergen durys. Keıde siz mán bermegen málimettiń adamdy izdeýde sheshýshi máni bolýy múmkin» dep eskertedi polıtseıler.
