Jezqazǵanda úsh adam koronavırýs juqtyrdy dep jalǵan habar taratqan áıel keshirim surady
JEZQAZǴAN. QazAqparat - Jezqazǵanda úsh adam koronavırýs juqtyrdy degen qaýeset taraǵan, dep habarlaıdy Polisia.kz.
27 naýryzda WhatsApp messendjerine monıtorıng jasaý kezinde polıtseıler vırýs juqtyrǵan adamdar týraly jalǵan aqparat taratý faktisin anyqtady. Aýdıojazbada Jezqazǵan qalasynda úsh adam koronavırýs juqtyrǵany týraly aıtyldy. Bul fakt shyndyqqa sáıkes kelmeıdi.
QR Qylmystyq kodeksiniń 274-babynyń 2-bóligi (telekommýnıkatsııa jelilerin paıdalana otyryp, kórineý jalǵan aqparat taratý) boıynsha sotqa deıingi tergeý bastaldy. Ótkizilgen is-sharalar nátıjesinde 32 jastaǵy qala turǵyny anyqtaldy.
Qaraǵandy oblysynyń polıtsııa departamenti azamattardy áleýmettik jelide paıda bolǵan ósek-aıań men pikirlerge senbeýge shaqyrady. Memlekettik organdardyń resmı málimetterine nazar salý qajet.
Aıta keteıik, Qazaqstanda osyndaı qylmysty jasaǵandarǵa jeti jylǵa deıin bas bostandyǵynan aıyrý jazasy qarastyrylǵan.
