Jezqazǵanda «Ulytaý úni» dástúrli festıvali bastaldy
Festıvaldiń ashylý saltanatyna Jezqazǵan qalasy ákiminiń orynbasary Zına Aqylbekova qatysyp, quttyqtaý sóz sóıledi.
«Ulytaý úni» festıvali - talaı dúldildiń baǵyn ashyp, juldyzyn shaqqan óner báıgesi. Dástúrli túrde ótetin festıval aımaǵymyzdyń rýhanı ómirinde aıryqsha oryn ıelenedi. Jezqazǵan-Ulytaý aımaǵynyń basty óner festıvaliniń ashylýymen shyn júrekten quttyqtaımyn», - dedi Z. Aqylbekova.
Festıval aıasynda «Arý qalam - Astanam» atty qolóner sheberleriniń kórme baıqaýy, uly kúıshi Qurmanǵazy Saǵyrbaıulynyń 200 jyldyǵyna arnalǵan kúıshiler saıysy, Maǵjan Jumabaevtyń týǵanyna 125 jyl tolýyna oraı «Maǵjannan qalǵan marjan jyr» kórkemsóz oqý sheberleriniń baıqaýy, mádenıet qaıretkeri, Jezqazǵan qalasynyń qurmetti azamaty Mórlibek Muratbaevty eske alýǵa arnalǵan «Jyldar men joldar» keshi, «Juldyz - 2018» aımaqtyq án baıqaýy óner súıer qaýymǵa qýanysh syılamaq. 
Qazaqstan Respýblıkasynyń elordasy Astana qalasynyń 20 jyldyǵy aıasynda uıymdastyrylyp otyrǵan óner merekesi 22-24 aqpan aralyǵynda ótedi.
Darhan Muqanov
