Jezqazǵanda Ulytaý oblysynyń Azamattyq forýmy ótti
ASTANA. KAZINFORM – 16 qyrkúıek kúni Jezqazǵan qalasynda «Fandraızıng – úkimettik emes uıymdardyń turaqtylyǵy» taqyrybynda Ulytaý oblysynyń Azamattyq forýmy ótti.
Forým azamattyq sektordyń áleýetin arttyrýǵa jáne memleket, bıznes pen azamattyq qoǵam arasyndaǵy áriptestikti nyǵaıtýǵa baǵyttalǵan óńirlik is-sharalar serııasyn jalǵastyrady.
Forýmnyń maqsaty – fandraızıngtiń ózekti tetikterin, sonyń ishinde dástúrli jáne tsıfrlyq quraldardy talqylaý, sondaı-aq ÚEU-nyń turaqty damýyna yqpal etetin ınnovatsııalyq tásilderdi damytýǵa arnalǵan tájirıbe almasý alańyn qalyptastyrý.
Baǵdarlama aıasynda tsıfrlyq transformatsııa, jasandy ıntellekti fandraızıng salasyna engizý, qarjy tartýdyń turaqty úlgileri, donorlarmen ózara baılanys jáne ÚEU sektoryndaǵy kreatıvti bastamalardy damytý máselelerine arnalǵan paneldik sessııalar men baıandamalar ótti.
Forým jumysyna QR Mádenıet jáne aqparat mınıstrligi, Qazaqstannyń Azamattyq Alıansy, QR Konstıtýtsııalyq Soty, «Qazaqstan halqyna» qoǵamdyq qory, ÚEU, bıznes ókilderi, qoǵam qaıratkerleri, depýtattar, «Atameken» UKP, Qazaqstan halqy Assambleıasy men óńirlik ákimdikterdiń ókilderi qatysty.
Atalǵan forým azamattyq qatysý ınstıtýtyn nyǵaıtý jáne úkimettik emes sektordyń óńirlik deńgeıde ornyqty damýyna jańa serpin beretin mańyzdy alańǵa aınaldy.
Aıta keteıik, Ulytaý oblysynda sanıtarııalyq-epıdemıologııalyq qyzmet mamandary marapattaldy.