Jezqazǵanda túrli sala mamandarynan «Jastar teatry» quryldy
JEZQAZǴAN. QazAqparat - Jezqazǵan qalasynda «Jastar teatry» ashyldy, dep habarlaıdy QazAqparat «Habar 24» telearnasyna silteme jasap.
Málim bolǵandaı, teatrda kásibı akterler joq, óner ujymy ár salanyń mamandarynan quralǵan. Muǵalim men dáriger de, zaýyt jumyskerleri men mektep oqýshylary da baryn salyp, sahnaǵa shyqsam degen bala kúngi armandaryn júzege asyrýda.
Teatr trýppasynda ázirge 11 men 29 jas arasyndaǵy 78 adam bar. Óner ujymy repertýardy rejıssermen aqyldasyp tańdaıdy. Osy kúnge deıin olar «Aıman-Sholpan», «Qustar festıvali», «Mır mody», «Ýslysh menıa» sekildi qoıylymdardy sahnalaǵan.
Shyǵarmashylyq ujym jýyrda Astana, Pavlodar, Ekibastuz qalalarynda gastroldik saparmen bolyp,kórermenderdiń joǵary baǵasyn alǵan. Qazir olar kezekti spektaklge daıyndyq ústinde. Sáken Júnisovtyń «Jaraly gúlder» týyndysyn qoımaqshy.
«Negizi bala kezimnen aıtatynmyn, osyndaı úlken sahnada kórinsem eken dep. Bul, meniń úlken sahnaǵa birinshi qadamym boldy. Men ózime óte qatty qýanyshtymyn», - deıdi mektep oqýshysy Erasyl Baımýsınov.
«Kastıngke biraz balalar kelip, qabyldadyq. Sol balalarmen eń alǵash ret Dýlat Isabekovtiń «Qustar festıvalin» qoıdyq. Professıonal bolmasa da, báribir adamnyń ishinde óner jatyr. Talpynys bar. Bireý án aıtqysy keledi, bireý bılegisi keledi, bireý sahnany ańsap júredi», - dedi «Jastar» teatrynyń qoıýshy rejısseri Jasulan Túsipbekov.
