Jezqazǵanda turǵyn úı órtenip, 80-ge jýyq adam evakýatsııalandy

ASTANA. KAZINFORM — Búgin Jezqazǵan qalasynda kópqabatty turǵyn úılerdiń birindegi páterde órt shyqty, dep habarlaıdy oblystyq TJD baspasóz qyzmeti.

Órt sóndirý bólimsheleri oqıǵa ornyna kelgen kezde páter ishinde qoıý tútin baıqalyp, turǵyndarǵa qaýip tóndirdi.

— Órt ornyna Ulytaý oblysy TJD kúshteri men quraldary jedel túrde jetip, barlaý jáne evakýatsııalaý jumystaryn bastady. Qutqarýshylardyń kúshimen 9 adam, onyń ishinde 4 bala evakýatsııalandy. Taǵy 72 turǵyn ózdiginen evakýatsııalandy. Qyzyl jalyn tórt bólmeli páterdiń jatyn bólmesin sharpyǵan. Órt qysqa merzimde sóndirildi, — delingen vedomstvo habarlamasynda.

Osyǵan deıin Kazinform tilshisi 50 jylda Qytaıda bolǵan iri órt apattaryna sholý jasady.